Panaginip?

Simoy ng hangin ay nararamdaman ko
sana ay narito ka at katabi ko
umaasa akong ika'y kausap ko
pero limot mo na yata ang ngalan ko

Dati-rati'y tayo'y magkasama
nagtatawanan at sobrang saya
ngunit bakit ngayo'y naglaho na
lambing mo na dati'y anong sigla

Ano ang nangyari? Bakit ka nagbago?
anong kasalanan? may nagawa ba 'ko?
ang mga pangarap ay biglang gumuho
ito ba ay muli nating mabubuo?

Lubhang naguguluhan ang aking isip
ngalan mo pa rin sa hangi'y umiihip
mahal na Diyos, liwanagin mo ang isip
sabihing ito'y isa lang panaginip

Created last: December 11, 1999